Foilsithe ar
D’fhoilsigh Comisiún na Meán Creat Cinnidh Ainmnithe inniu do sheirbhísí ardáin comhroinnte físeán (“Creat Cinnidh Ainmnithe SACF”) chun soláthraithe aonair seirbhísí ar líne a chur ar an eolas faoin bpróiseas measúnaithe agus cinnteoireachta atá beartaithe aige a leanúint, chun a chinneadh an gcomhlíonann seirbhís ainmnithe na critéir shainitheacha maidir le seirbhísí ardáin comhroinnte físeán (“SACF”) agus an bhfuil soláthraí seirbhíse den sórt sin faoi dhlínse na hÉireann.
Faoin Acht Craolacháin 2009 arna leasú, ceanglaítear ar Bhallstáit an AE a chinntiú go ndéanfaidh soláthraithe VSPS atá faoina ndlínse bearta cuí chun daoine óga a chosaint ar ábhar a d’fhéadfadh dochar a dhéanamh dá bhforbairt choirp, mheabhrach nó mhorálta. Ceanglaítear ar na Ballstáit freisin an pobal i gcoitinne a chosaint ar ábhar neamhdhleathach agus ar ábhar ina bhfuil gríosú chun foréigin nó fuatha agus a áirithiú go gcomhlíonfaidh soláthraithe SACF ceanglais agus caighdeáin fógraíochta maidir leis na seirbhísí sin.
Tacaíonn Creat Cinnidh Ainmniúcháin SAFC le cinnteoireacht atá bunaithe ar fhianaise, trédhearcach, comhsheasmhach agus comhréireach ag an gCoimisiún agus a fheidhmeanna reachtúla á bhfeidhmiú aige. Cuirtear in iúl dó le forálacha reachtúla Acht 2009 agus déantar tagairt freisin d’fhaisnéis a dtabharfaidh an Coimisiún aird uirthi, lena n-áirítear tuarascáil arna hullmhú ag an gcomhlacht comhairliúcháin PA Consulting,. Bainfidh an Coimisiún leas, i measc foinsí eile, as na foinsí sonraí a shainaithnítear sa tuarascáil, lena n-áirítear ceisteanna, táscairí, agus méadracht a bhaineann le hainmniúchán SAFC, a thaighde féin agus na Treoirlínte Eorpacha maidir le cur i bhfeidhm an chritéir feidhmiúlachta fhíor-riachtanaigh.
Críoch