Cé leo a mbaineann GSD?

Ar na samplaí de sholáthraithe seirbhíse idirghabhálaí tá:

• áiteanna margaidh ar líne
• ardáin meán sóisialta agus comhroinnte inneachair
• aipmhargaí
• ardáin ar líne a bhaineann le taisteal agus lóistín
• soláthraithe seirbhísí idirlín
• líonraí soláthair inneachair

Cé atá ina bhfaighteoirí seirbhíse?

Meastar go bhfuil aon duine a phléann le seirbhís idirghabhálaí ina fhaighteoir nó ina faighteoir faoi GSD. Ní gá go mbeadh cuntas ag úsáideoirí ná go mbeidís cláraithe le seirbhís chun a mheas gur faighteoirí iad.

An dóigh a ngrúpáiltear seirbhísí idirghabhálaí le GSD

Roinntear seirbhísí idirghabhálaí i gceithre chatagóir. Baineann na catagóirí sin le hoibleagáidí a ghabhann le seirbhísí faoi GSD.

• Le catagóir 1 áirítear na soláthraithe seirbhíse idirghabhálaí uile.
• Tá catagóirí 2, 3 agus 4 ina ngrúpaí níos lú laistigh de chatagóir 1.

Seirbhísí chatagóir 1

Seirbhísí Cainéil Fhóraigh

Tarchuireann seirbhísí cainéil fhóraigh faisnéis a sholáthraíonn faighteoir na seirbhíse laistigh de líonra cumarsáide agus soláthraíonn siad rochtain ar líonra cumarsáide.

• Ar na samplaí tá soláthraithe seirbhísí idirlín, seirbhísí teachtaireachtaí díreacha, líonraí príobháideacha fíorúla (VPNanna), córais ainmneacha fearainn (DNSanna), Prótacal Idirlín Guthaithe (VoIP), cláir ainmneacha fearainn barrleibhéil.
• Tá seirbhísí cainéil fhóraigh ina seirbhísí de chatagóir 1

Seirbhísí taiscthe

Tarchuireann seirbhísí taiscthe faisnéis freisin. Stórálann siad faisnéis go huathoibríoch agus go sealadach ionas gur féidir í a chur ar fáil d’fhaighteoirí eile.

• Ar na samplaí de sheirbhísí taiscthe tá líonraí soláthair inneachair, seachfhreastalaithe oiriúnaithe ábhair, seachfhreastalaithe droim ar ais.
• Tá seirbhísí taiscthe ina seirbhísí de chatagóir 1.

Seirbhísí chatagóir 2

Seirbhís óstála

Stórálann seirbhísí óstála faisnéis a sholáthraíonn faighteoirí na seirbhíse arna iarraidh sin dóibh.

• Ar na samplaí tá soláthraithe néalseirbhísí, áiteanna margaidh ar líne, na meáin shóisialta, aipmhargaí agus ardáin taistil agus lóistín.
• Tá seirbhísí óstála ina seirbhísí de chatagóir 1 agus catagóir 2

Seirbhísí chatagóir 3

Ardáin ar Líne

Tá ardáin ar líne ina gcineál seirbhíse óstála. Stórálann siad faisnéis agus scaipeann siad ar an bpobal í arna iarraidh sin d’fhaighteoir na seirbhíse.

• Ní fhéadfar a mheas go bhfuil seirbhís ina hardán ar líne más rud é:
• Go bhfuil stóráil agus comhroinnt faisnéise leis an bpobal ina ngné thánaisteach agus nach féidir an ghné sin a úsáid gan an tseirbhís phríomhúil.
• Is éard atá mar eisceacht air sin nuair a dhéantar an tseirbhís thánaisteach a chomhtháthú sa tseirbhís phríomhúil ar mhaithe le hoibleagáidí GSD a sheachaint.
• Tá ardáin ar líne ina seirbhísí de chatagóir 1, 2 agus 3.

Seirbhísí chatagóir 4

Ardáin An-Mhór ar Líne nó Innill Chuardaigh An Mhór ar Líne (VLOPanna agus VLOSEnna)

• Tá VLOPanna ina n ardáin ar líne (agus ina seirbhísí óstála freisin) ag a bhfuil 45 mhilliún faighteoir ghníomhacha mhíosúla dá seirbhís, nó níos mó ná sin, in AE.
• Tá VLOSEnna ina n innill chuardaigh (agus ina seirbhísí óstála freisin) ag a bhfuil 45 mhilliún meánfhaighteoir ghníomhacha dá seirbhís, nó níos mó, in AE.
• Tá VLOPanna agus VLOSEnna ina seirbhísí de chatagóir 1, 2, 3 agus 4.