Taighde críochnaithe
Sábháilteacht Ar Líne agus Saol Digiteach Leanaí
Scrúdaítear an tuarascáil Sábháilteacht Ar Líne agus Saol Digiteach Leanaí dhá shuirbhé náisiúnta, ceann amháin ar leanaí (9-17 mbliana d’aois) agus ceann eile ar a dtuismitheoirí/gcúramóirí. Féachtar an tuarascáil ar úsáid idirlín agus eispéiris ar líne leanaí in Éirinn, agus ar idirghabháil tuismitheoirí/cúramóirí maidir le rochtain dhigiteach, úsáid agus eispéiris leanaí ar líne. Is cuid é an suirbhé den staidéar EU Kids Online. Cuirfear na sonraí atá mar bhonn faoin tuarascáil seo san áireamh le tuarascáil chomparáideach fhoriomlán na hEorpa atá á dréachtú ag líonra EU Kids Online. Dá bhrí sin, beidh sé indéanta a chur i gcomparáid eispéiris ar líne leanaí agus daoine óga in Éirinn agus eispéiris ar líne leanaí agus daoine óga i mbreis agus 20 tír ar fud na hEorpa.
Taighde arna choimisiúnú ar nósanna agus dearcthaí i leith na meán
Mar chuid dár straitéis eagraíochtúil, geallann an Coimisiún taighde a dhéanamh ar riachtanais na spriocphobal agus ar a mhéid a bhíonn na riachtanais sin á gcomhlíonadh, chun bonn eolais a chur faoinár dtuiscint ar an gcaoi is fearr le tacú le forbairt thírdhreach na meán in Éirinn. Ó Mheán Fómhair 2025 i leith, tá sraith staidéar taighde coimisiúnaithe againn ar nósanna agus iompraíochtaí meán in Éirinn, agus ar dhearcthaí mhuintir na hÉireann i leith na meán. Coimisiúnaíodh na staidéir sin chun tacú leis an athbhreithniú ar an Straitéis um Sheirbhísí Craolacháin agus le forbairt an Chreata um na Meáin Seirbhíse Poiblí (MSP).
Is suirbhé cainníochtúil é Scáileáin, Sruthanna agus Aerthonnta: Fiosrú ar Nósanna Úsáide na Meán in Éirinn agus ar Dhearcthaí ar na Meáin Chraolta agus ar na Meáin Seirbhíse Poiblí atá ionadaíoch go náisiúnta ar dhaoine fásta atá ag cur fúthu in Éirinn. I measc cheisteanna an tsuirbhé, bhí cinn ar shaintréithe déimeagrafacha agus socheacnamaíocha, mar aon le húsáid na meán agus dearcthaí ina leith, ag díriú ar theilifís, raidió, nósanna maidir le hábhar ar líne agus físeán ar éileamh, an méid a mbítear ag súil leis ó mheáin chraolta na hÉireann, agus sástacht leis na Meáin Seirbhíse Poiblí (RTÉ agus TG4). Tá dhá leagan den tuarascáil deiridh ar fáil – baineann ceann amháin leis an Straitéis um Sheirbhísí Craolacháin agus baineann an ceann eile leis an gCreat MSP.
Is staidéar taighde cáilíochtúil é Fiúntas na Meán Neamhspleách ina gcuimsítear cúig fhócasghrúpa le haosaigh óga, idir 18 agus 34 bliain d’aois, atá ag cur fúthu in Éirinn. Rinne an taighde seo iniúchadh ar a mhéid a bhíonn an meascán reatha de raidió, teilifís agus seirbhísí físeáin ar éileamh, atá ar fáil ar fud ardáin éagsúla in Éirinn, ag freastal ar riachtanais, roghanna agus ionchais na spriocphobal óg, agus cé na bearnaí, más ann dóibh, atá le brath sa tairiscint reatha. Tugadh faoin taighde sin go sonrach chun bonn eolais a chur faoin athbhreithniú ar an Straitéis um Sheirbhísí Craolacháin.
Tuarascáil ar Nuacht Dhigiteach na hÉireann 2026
Is í an Tuarascáil bhliantúil ar an Nuacht Dhigiteach, déanta ag Institiúid Reuters um Staidéar ar an Iriseoireacht, an staidéar comparáideach leanúnach faoi thomhaltas nuachta is mó ar domhan. Ina dháú bliain déag anois, tá an Tuarascáil Éireannach urraithe ag Coimisiún na Meán agus curtha le chéile ag Institiúid DCU um Meáin Todhchaí, Daonlathas agus Sochaí (FuJo). Tá an Tuarascáil dhomhanda ó Reuters ar an Nuacht Dhigiteach coimisiúnaithe ag Institiúid Reuters um Staidéar ar an Iriseoireacht ag Ollscoil Oxford. Anseo in Éirinn, déanann taighdeoirí Institiúid FuJo ag Ollscoil Chathair Bhaile Átha Cliath anailís ar na sonraí a bhaineann go sonrach le hÉirinn agus lenár margaí comparáideacha roghnaithe (an Ríocht Aontaithe, SAM agus an Eoraip).
Peirspictíochtaí an Lucht Féachana agus Éisteachta i leith Ábhar Meán Díobhálach agus Colúil
Leis an taighde Dearcthaí an Lucht Féachana maidir le hÁbhar Meán Díobhálach agus Gáirsiúil, scrúdaítear dearcthaí daoine fásta agus leanaí maidir le hábhar a d’fhéadfadh a bheith díobhálach nó gáirisiúil ar an teilifís, ar an raidió, sa phictiúrlann, ar shiamsaíocht bhaile, agus ar sheirbhísí físeáin ar éileamh. Bailíodh tuairimí trí shuirbhé ar líne ar dhaoine fásta, agus trí phlé grúpa fócais le daoine fásta agus le leanaí. Mhaoinigh Coimisiún na Meán agus Oifig Aicmithe Scannán na hÉireann an taighde, agus cuireadh ar fáil é i gcomhar le hOifig an Ombudsman do Leanaí.
Féach freisin:
- Tuarascálacha cúlra ina ndéantar achoimre ar na torthaí ón Athbhreithniú Doiciméad (Béarla) (PDF), ó na Grúpaí Fócais le Daoine Fásta (Béarla) (PDF), ó na Grúpaí Fócais le Leanaí (Béarla) (PDF) agus ón Suirbhé Cainníochtúil ar Dhaoine Fásta (Béarla) (PDF)
- Tuarascáil Theicniúil (Béarla) (PDF) ina ndéantar achoimre ar an gcur chuige taighde agus ar na modhanna a úsáideadh, agus
- Tuarascáil atá oiriúnach do leanaí (Béarla) (PDF).
Tuarascáil maidir le Suirbhé Taighdeora
In R2 2025, ghlac 116 taighdeoir páirt i suirbhé faoina gcuid riachtanas maidir le rochtain a fháil ar shonraí faoi Airteagal 40 den Ghníomh um Sheirbhísí Digiteacha, mar aon lena n-ullmhacht don rochtain sin agus na bacainní a bhaineann léi.
Rinneamar an suirbhé sin chun tuilleadh a fhoghlaim faoi thosaíochtaí agus dúshláin an phobail taighde. Tá na torthaí sin á roinnt againn anois, ionas gur féidir leat na léargais sin a fhiosrú agus a n-impleachtaí do do chuid oibre a bhreithniú.
I mBun Feachtas Digiteach
Sa tuarascáil taighde I mbun feachtas digiteach: Na heispéiris a bhí ag iarrthóirí toghcháin ar líne le linn thoghcháin 2024, déantar scrúdú ar na heispéiris ar líne a bhí ag na hiarrthóirí a ghlac páirt i dToghcháin Áitiúla agus in Olltoghchán 2024 in Éirinn.
Tá an tuarascáil bunaithe ar shuirbhéanna cuimsitheacha agus ar agallaimh cháilíochtúla dhoimhne le hiarrthóirí ón dá thoghchá
Tuarascáil ar an Nuacht Dhigiteach in Éirinn 2025
Ina haonú bliain déag anois, is í an Tuarascáil bhliantúil ar an Nuacht Dhigiteach, déanta ag Institiúid Reuters um Staidéar ar an Iriseoireacht, an staidéar comparáideach leanúnach faoi thomhaltas nuachta is mó ar domhan. Tá an Tuarascáil Éireannach urraithe ag Coimisiún na Meán agus curtha le chéile ag Institiúid DCU um Meáin Todhchaí, Daonlathas agus Sochaí (FuJo). Tá an Tuarascáil dhomhanda ó Reuters ar an Nuacht Dhigiteach coimisiúnaithe ag Institiúid Reuters um Staidéar ar an Iriseoireacht ag Ollscoil Oxford. Anseo in Éirinn, déanann taighdeoirí Institiúid FuJo ag Ollscoil Chathair Bhaile Átha Cliath anailís ar na sonraí a bhaineann go sonrach le hÉirinn agus lenár margaí comparáideacha roghnaithe (an Ríocht Aontaithe, SAM agus an Eoraip).
Ceol na mBan: Mná agus Ceol i gCraoltóireacht Fuaime, 2025
Déanann an tuarascáil Ceol na mBan: Women and Music in Sound Broadcasting torthaí ar thaighde ar mhná agus ar an gceol ar an raidió a chur i láthair. Glacadh le cur chuige modhanna measctha lena n-áirítear athbhreithniú deascbhunaithe ar an litríocht agus ar an mbeartas, agallaimh rannpháirtithe, agus monatóireacht a dhéanamh ar ábhar na gclár ar fud sampla de stáisiúin raidió. Cuimsíonn an tuarascáil, a seoladh an 23 Aibreán 2025, achoimre fheidhmeach ghearr agus caibidlí ar leith ar thorthaí gach ceann de na modhanna taighde.
Torthaí an tSuirbhé ar an nGaeilge sna Meáin, 2024
Cuireann Coimisiún na Meán torthaí an tSuirbhé ar an nGaeilge sna Meáin i láthair. Rinneadh an suirbhé seo mar bhonn eolais d’athbhreithniú níos leithne, atá ar siúl faoi láthair, ar sholáthar seirbhísí agus ábhair Ghaeilge ar fud na meán. Rinneadh an suirbhé idir Meitheamh agus Iúil 2024 agus lorg sé peirspictíochtaí thart ar 1,200 duine ó lucht féachana/éisteachta náisiúnta agus Gaeltachta, 18+ bliain d’aois, agus scrúdaíodh rannpháirtíocht, roghanna agus braistintí an phobail maidir le hábharthacht agus éifeachtacht na meán Gaeilge lena n-áirítear an teilifís, an raidió, na meáin chlóite agus na meáin ar líne.
Tuarascáil ar Nuacht Dhigiteach na hÉireann, 2024
Déanann Institiúid Reuters um Staidéar ar an Iriseoireacht in Ollscoil Oxford taighde don Tuarascáil ar an Nuacht Dhigiteach agus is é an staidéar comparáideach leanúnach is mó ar thomhaltas nuachta ar domhan é. Tá sonraí na hÉireann mar chuid den suirbhé níos mó, a rinneadh in 2024 i 47 margadh. Éascaíonn Coimisiún na Meán rannpháirtíocht na hÉireann agus chuir taighdeoirí ó Institiúid DCU um Thodhchaí na Meán, an Daonlathais agus an tSochaí (FuJo) anailís ar shonraí na hÉireann ar fáil in 2024.