Do Chearta

Ní mór d’oibreoirí eacnamaíocha a seirbhísí a dhéanamh chomh hinúsáidte agus is féidir do dhaoine faoi mhíchumas.

Cad is brí leis sin go praiticiúil?

A dTeicneolaíocht a Dhéanamh Inrochtana

Ní mór d’oibreoirí eacnamaíocha a áirithiú go gcomhlíonfar caighdeáin inrochtaineachta le haon teicneolaíocht a úsáideann siad ionas go bhfeidhmeoidh sí go maith do dhaoine ag a bhfuil riachtanais éagsúla.

Faisnéis Shoiléir a Sholáthar faoina gCuid Seirbhísí

Ní mór d’oibreoirí eacnamaíocha faisnéis a thabhairt duit faoin dóigh a bhfeidhmíonn a gcuid seirbhísí agus faoi na gnéithe inrochtaineachta atá ar fáil. Is féidir leo sin a dhéanamh ach:

  • Bealaí iomadúla a úsáid chun faisnéis a chomhroinnt – ní hamháin téacs, ach trí fhuaim, áiseanna amhairc nó formáidí eile.
  • Faisnéis a dhéanamh sothuigthe – ag úsáid teanga shoiléir, shimplí.
  • A áirithiú gur féidir leat an fhaisnéis a rochtain – deimhin a dhéanamh de go n oibreoidh sí le léitheoirí scáileáin, orduithe gutha nó uirlisí cúnta eile.
  • Clónna inléite agus codarsnacht mhaith a úsáid – le téacsanna atá sách mór agus scartha lena léamh go héasca.
  • Tuairiscí a chur isteach le haghaidh íomhánna agus físeán.
  • Faisnéis ar líne a dhéanamh comhsheasmhach agus iontaofa.

Suíomhanna Gréasáin agus Aipeanna Móibíleacha a Dhéanamh Inrochtana

Ní mór na suíomhanna gréasáin, na seirbhísí ar líne agus na haipeanna móibíleacha uile a bheith deartha ionas go mbeidh sé éasca iad a bhrath, a oibriú, a thuiscint agus a oibriú go hiontaofa le teicneolaíocht chúnta.

Tacaíocht Inrochtana a Sholáthar do Chustaiméirí

Nuair atá siad ar fáil, ní mór seirbhísí cabhrach cosúil le tacaíocht do chustaiméirí, ionaid glaonna agus cabhair theicniúil a thairiscint ar bhealaí inrochtana a oibríonn le teicneolaíochtaí cúnta.

Ceanglais speisialta le haghaidh seirbhísí lena soláthraítear rochtain ar sheirbhísí meán closamhairc

  • Eolairí leictreonacha clár inrochtana (EPGanna) a sholáthar – atá inbhraite, infheidhme, sothuigthe agus láidir agus soláthair faisnéis faoi infhaighteacht gnéithe inrochtaineachta.
  • A áirithiú go n oibreoidh gnéithe inrochtaineachta i gceart – agus é á áirithiú go mbeidh fotheidil, tráchtaireacht fuaime agus teanga chomharthaíochta tarchurtha go hiomlán ar cháilíocht leordhóthanach le haghaidh taispeáint chruinn, agus sioncronaithe le fuaim agus físeán, agus foráil á déanamh chun go rialóidh úsáideoirí a dtaispeáint agus a n úsáid.

Cad iad príomhphrionsabail na hinrochtaineachta?

Is é is aidhm don Ionstraim Eorpach um Inrochtaineacht méadú a dhéanamh ar raon úsáideoirí na dtáirgí agus na seirbhísí a chlúdaítear leis an Ionstraim trína ndéanamh níos inrochtana.

Rud a Rochtain, a Thuiscint agus a Úsáid

Maidir le rud a rochtain, a thuiscint agus a úsáid, is iondúil go mbaineann sin le conas a idirghníomhaíonn daoine le táirge nó seirbhís: ar dtús, faigheann siad rochtain air (druidim le agus brath); ar an dara dul síos, tuigeann siad é (tuiscint agus cinneadh); agus ar an tríú dul síos, úsáideann siad é (gníomhú nó frithghníomhú).

Dearadh Uilíoch

Cur chuige is ea Dearadh Uilíoch chun inrochtaineacht agus úsáideacht a chur chun cinn i dtáirgí agus seirbhísí. Ciallaíonn dearadh uilíoch a bheith ag dearadh ionas gur féidir do tháirge nó do sheirbhís a rochtain, a thuiscint agus a úsáid:

  1. a mhéid is mó is féidir
  2. ar an mbealach is neamhspleáiche agus is nádúrtha is féidir
  3. sa réimse is leithne cásanna is féidir
  4. gan gá a bheith ann le hoiriúnú, modhnú, fearais chúnta ná réitigh speisialaithe

Inbhraite, Infheidhme, Sothuigthe agus Láidir (POUR)

Is é an tuiscint atá ar inrochtaineacht i dteicneolaíocht na faisnéise agus na cumarsáide (TFC) ná a mhéid atá táirge nó seirbhís TFC inbhraite, infheidhme, sothuigthe agus láidir. Tugtar na prionsabail POUR orthu sin.

  • Inbhraite – cuirtear ábhar i láthair ar bhealaí atá inbhraite ag cách.
  • Infheidhme – ní mór comhpháirteanna agus nascleanúint comhéadain úsáideora a bheith infheidhme.
  • Sothuigthe – ní mór an fhaisnéis agus feidhmiú an chomhéadain úsáideora a bheith sothuigthe.
  • Láidir – tá an t ábhar iontaofa agus comhoiriúnach le teicneolaíochtaí agus caighdeáin chúnta.

Foghlaim tuilleadh faoin Ionstraim Eorpach um Inrochtaineacht

Tuairisc agus Gearán a Dhéanamh

Má chreideann tú go raibh deacrachtaí inrochtaineachta agat agus rochtain á fáil ar sheirbhísí lena soláthraítear rochtain ar ár seirbhísí meán closamhairc, téigh chuig ár rannán tiomnaithe maidir le tuairisciú agus gearán a dhéanamh.

Sa chuid seo:

2